Breves historias de Amor e Fortuna
O sábado 15, terá lugar no Casino Ferrolán, ás 19.00 h o concerto do grupo La moresca integrado por Paloma Friedhoff, Pabro Ruibal e Uxía Delgado co programa Breves historias de Amor e Fortuna, arredor do amor e o desamor, a través de músicas que abarca desde o Barroco até o primeiro Romanticismo.
Concert Le Phénix
O Concert Le Phénix, dirixido por Fernando Santiago, será o protagonista musical do serán de literatura, música e lecer que terá lugar nas Terras de Iria e na Casa de Rosalía en Padrón. Será o día 15 ás 19.00 h co programa La défense de le Blanc.
Completa a cota de prazas para a travesía pola ría de Ferrol
COMPLETA A COTA DE PRAZAS PARA INSCRIBIRSE NA TRAVESÍA POLA RÍA DE FERROL. A listaxe de agarda queda tamén completa ao superarse o número de prazas estimadas.
Concerto do Ensemble Phaedrus
O domingo 8 de setembro, ás 18.00 h terá lugar o concerto do Ensemble Phaedrus na igrexa de Santiago de Mens cun programa titulado THE KINGS’S FLUTES, MÚSICA DA CORTE DE ENRIQUE VIII.
Os concertos son de entrada libre até completar capacidade.
Festival ViertelBarock
Iniciamos parcería co festival ViertelBarock, un festival de música barroca que se celebra no mes de setembro, no Serviten Viertel de Viena, e que esta edición dedica un serán á cultura galega nunha homaxe performativa á poeta Luísa Villalta. En breve máis!
Ábrese o prazo para inscribirse na travesía pola ría de Ferrol e no roteiro "De Padrón polos camiños"
Do 10 ao 12 de setembro estará aberto o prazo para inscribirse na travesía pola ría de Ferrol, que terá lugar o 14 de setembro e no roteiro "De Padrón polos camiños", que terá lugar o 15 de setembro.
Visita ás Torres de Mens
Concerto inaugural con La Grande Chapelle
Abre a edición 2024, o domingo 1 de setembro ás 20.00 h, La Grande Chapelle, dirixida por Albert Recasens, cun concerto no Teatro Colón da Coruña, e o programa Francisco Guerrero, música e poesía do Renacemento español. Ás 19.00 h, teremos oportunidade de participar nun espazo de conversa e preparación para a escoita con Albert Recasens e o filólogo Guillermo Fernández Rodríguez-Escalona.
Os concertos son de entrada libre até completar capacidade
Completa a cota de prazas para a visita ás Torres de Mens
COMPLETA A COTA DE PRAZAS PARA INSCRIBIRSE NA VISITA ÁS TORRES DE MENS!!! A listaxe de agarda queda tamén completa ao superarse o número de prazas estimadas.
Convocatoria aberta e obradoiro para saxofonistas
Pechará a edición un concerto participativo dirixido polo asLan ensembLe para o que Espazos Sonoros fai unha convocatoria aberta ao tecido musical galego, co fin de contar con saxofonistas de calquera nivel, idade e formación para a execución da obra de Salvatore Sciarrino, La bocca, i piedi, il suono. A participación neste concerto non require de coñecementos previos, senón seguir as instrucións do asLan ensembLe no obradoiro que terá lugar antes do concerto. Se tocas o saxo, non perdas esta actividade!
Inscricións, do 2 ao 26 de setembro en actividades@espazossonoros.org
Presentouse a edición 2024
Presentouse en rolda de prensa celebrada no Teatro Colón, na Coruña, a programación do festival Espazos Sonoros na súa edición 2024, nun acto no que estiveron presentes o deputado provincial de Patrimonio e Contratación, Xosé Luís Penas Corral e a Directora artística do festival, Belén Bermejo. Xa falta menos!!!
Cinco semanas de programación
Do 1 ao 28 de setembro desenvolverase unha nova programación de concertos e actividades en espazos como O Teatro Colón, as Torres de Mens, a paisaxe natural da ría de Ferrol, as Terras de Iria Flavia, o xeoparque Cabo Ortegal, o Teatro de Beneficencia de Ortigueira ou a contorna do Castro de Baroña, La Grande Chapelle, La moresca, o Ensemble Phaedrus, Concert Le Phénix, Das Kolorit, e o asLan ensembLe serán as formacións que nos acompañarán durante cinco semanas de programación.
Prazos de inscrición
➡️ Visita ás Torres de Mens, do 3 ao 5 de setembro
➡️ Travesía pola ría de Ferrol, do 10 ao 12 de setembro
➡️ De Padrón polos camiños. Tarde literaria e de lecer, do 10 ao 12 de setembro
➡️ Ruta polo xeoparque Cabo Ortegal, do 17 ao 19 de setembro
➡️ Ruta polo castro de Baroña, do 24 ao 26 de setembro
➡️ Convocatoria aberta e obradoiro para saxofonistas, do 2 ao 26 de setembro
Inscricións a través de: actividades@espazossonoros.org
Os concertos son de balde e entrada libre até completar capacidade
COMO CHEGAR
Para coñeceres a localización de cada un dos espazos busca en Googlemaps o mapa de Espazos Sonoros 2024
DESCARGA O CATÁLOGO COA PROGRAMACIÓN
Protocolo de accesos a concertos e actividades
Os concertos son de balde e a entrada libre até completar a capacidade. Nas actividades con prazas limitadas sinaladas no catálogo é imprescindible a inscrición previa nas datas establecidas. Só se admitirán reservas realizadas a través do correo actividades@espazossonoros.org